試卷測驗 - 107 年 - 臺北市 107 學年度公立國民小學教師聯合甄選初試專門類科知能試題

阿摩：成功不僅要親眼目睹，還要有備而來

97分

(2 分31 秒)

模式:試卷模式
試卷測驗 - 107 年 - 臺北市 107 學年度公立國民小學教師聯合甄選初試專門類科知能試題–閩南語科#69234

繼續測驗

再次測驗下載

下載收錄

1(D).

16下面佗一个詞的臺語聲韻有腔口差？
(A)眠床
(B)烏糖
(C)凍霜
(D)酸醋

2(B).

17臺灣各地閩南語的腔口有真濟差別，下面佗一字的韻母較無方言差？
(A)計
(B)價
(C)過
(D)界

3(C).

18請問下面佗一个是臺語的連動句？
(A)德國和英國無仝款。
(B)也著糜，也著箠。
(C)伊欲出去佮人輸贏。
(D)伊叫我緊轉去。

4(A).

19「我無咧傷閒閣。」請問這句話上有可能隱含的話語是下面佗一項？
(A)去加夯枷
(B)來食飯
(C)去趁錢
(D)走去睏臺北市 107 學年度公立國民小學教師聯合甄選初試專門類科知能試題–閩南語科第 2 頁共 3 頁

5(C).

20請問下面佗一句上合臺灣閩南語的語法？
(A)一本冊有我共你鬥買
(B)你一本冊有我共你買
(C)我有共你鬥買一本冊
(D)我有幫你買一本冊

6(C).

21「我＿＿伊拍煞，警察就來矣。」請問空格仔內揀佗一个上無適當？
(A)和
(B)共
(C)給
(D)佮

7(B).

22下面佗一个是書面的歧義句，毋過佇口語上會當用變調的差別來消除歧義？
(A)伊愛食飯
(B)臺北人真濟
(C)姻緣天註定
(D)食緊挵破碗

8(C).

23請問下面這幾个詞的臺羅拼音，佗一个有錯誤？
(A)百萬 pah-bān
(B)隔壁 keh-piah
(C)插花 tshà-hue
(D)退色 thè-sik

9(C).

24教羅佮臺羅拼音符號，聲母的部份是差佇啥物音？
(A)塞音
(B)塞擦音
(C)擦音
(D)鼻音

10(B).

25「阿明仔閣咧＿＿矣，莫去惹伊較順。」請問空格仔內揀佗一个較適當？
(A)起毛婸
(B)起無空
(C)看袂起
(D)起凊瘼

11(A).

26「一尾好魚毋食釣，踮咧潭中尾那搖，我君憨工若無惜，的確用網拋甲著。」這是佗一種民間文學作品？
(A)相褒歌
(B)流行歌
(C)勸世歌
(D)童謠

12(A).

27漢人佇血統、生活上受著平埔族的影響，下底佗一个詞彙反映這種現象？
(A)虱目魚
(B)雪文
(C)阿片
(D)hôo-thé-luh(飯店)

13(D).

28請問佗一个選項「」內底字的聲母，北京話嘛有？
(A)思「慕」的人
(B)春宵「吟」
(C)臺北「迎」城隍
(D)懷念的「播」音員

14(C).

29臺北市政府電話代表號是 02-27208889，咱慣勢用文言音（讀冊音）來報臺語電話號碼。請問佗一个選項的電話號碼數字的報法是正確的？
(A)「0」（lîng）
(B)「2」（nn̄g）
(C)「8」（pat）
(D)「9」（káu）

15(A).

30請問佗一个選項的臺語量詞是上妥當的？
(A)一「身」尪仔
(B)一「面」眠床
(C)一「个」手指
(D)一「口」電火

16(D).

31「我昨昏去＿＿山，一尾刺毛蟲＿＿起來我的跤盤頂，害我癢甲＿＿袂煞。」請問空格仔內照順序應該愛添啥物字較適合？
(A)爬、peh、抓
(B)跋、爬、爪
(C)擘、爬、抓
(D)peh、趖、扒

17(B).

32請問佗一个選項的「仔（á）前變調」，參「椅仔」的「椅」變做仝款的聲調？
(A)「刀」仔
(B)「印」仔
(C)「蝦」仔
(D)「葉」仔

18(C).

33請問佗一个選項的「去」，是「去過矣」？
(A)bē 去
(B)beh 去
(C)bat 去
(D)iáu-buē 去

19(D).

34下底佗一組是收舌根鼻音韻尾？
(A)設、別、彼
(B)格、竹、國
(C)姆、梅、媒
(D)飯、黃、光

20(B).

35請問佗一个選項的臺語句型上妥當？
(A)若莫考試的話，敢好？
(B)你若無愛，無，莫去。
(C)如果我若是來，伊就毋來。
(D)是毋是無人佇咧嗎？

21(D).

36有關臺語的語音特色，佗一个選項是正確的？
(A)臺語的子音有四个送氣音，就是「b」、「m」、「g」、「ng」。
(B)臺語佮英語仝款攏是清濁分明的語言，親像「p」、「ph」、「k」、「kh」、「ts」、「tsh」就是濁音。
(C)臺語有鼻母音，所以，臺語人講話鼻音真重，毋過臺語的鼻母音袂當做主要元音。
(D)臺語有家己一套變調的規則，只要母語是臺語的人，自細漢頭殼內就有遮的規則，毋免特別理解就會曉講。

22(A).

37請問佗一个選項的臺語時間詞的使用，無妥當？
(A)「從」明仔載開始，我就無閒。
(B)「從」冬節「到」清明一直落雨。
(C)我一直等「到」舊年，伊才轉來。
(D)「從」少年開始，伊就做這途。

23(B).

38請問佗一个選項的臺語「有無」疑問句，佇心理上，認為「伊應該已經食過矣」？
(A)伊 kám 有食？
(B)伊 kám 無食？
(C)伊 kánn 無食 honnh？
(D)伊 kám 是無食？

24(A).

39有關臺語詞的詞尾「仔（á）」的說明，佗一个選項是正確的？
(A)囥踮形容詞後壁的「仔」，會當予形容詞轉做名詞，親像「圓仔」。
(B)囥踮動詞後壁的「仔」，會當加強動詞的動作強度，親像「開仔」。
(C)囥踮名詞後壁的「仔」，表示誠愛、真司奶，親像「糖仔」。
(D)囥踮單音節人名後壁的「仔」，有歧視看輕的意思，親像「英仔」。

25(A).

40請問佗一个選項的漢字，完全使用教育部推薦的臺語用字？
(A)我真欣羨旅遊節目的主持人，會當世界耍透透。
(B)「潑水節」活動予逐家歸身軀攏澹糊糊。
(C)路邊擔仔滿滿是，予我喙涎插插滴。
(D)舊鞋撣甲變山崙，人共叫做草鞋墩，就是這馬的草屯。

26(D).

41請問佗一个選項的臺羅拼音完全正確？
(A)米粉炒（bí-hún-tsá）
(B)筒仔米糕（tang-á-bí-ko）
(C)蚵仔煎（ō-á-tsian）
(D)鼎邊趖（tiánn-pinn-sô）

27(B).

42有關臺語教材，佗一个選項的講法無妥當？
(A)除了教科書，有聲有影的多媒體教具、家庭佮社會資源、自然現象、宇宙資源攏是教材。
(B)為欲中立客觀，教材毋免考慮在地社會語言的因素，才袂有文化歧視。
(C)選用教材的時，愛考慮學生的背景，親像年歲、教育背景、母語佮文化、學習動機佮目的等等。
(D)教材習作的品質，愛注意敢會當鼓勵學生主動參與學習。臺北市 107 學年度公立國民小學教師聯合甄選初試專門類科知能試題–閩南語科第 3 頁共 3 頁

28(A).

43有關資訊科技幫贊臺語學習的現況，佗一个選項是正確的？
(A)「Lohankha 臺語輸入法」、「Phah Tâi-gí臺語輸入法」會當佇手機仔拍出臺語羅馬字佮漢字，是真利便的臺文書寫工具。
(B)「FHL Taigi-Hakka IME 信望愛臺語客語輸入法」是這馬上時行的手機仔臺語輸入法，可惜無電腦版。
(C)「萌典」毋但佇電腦會當使用，閣有設計手機版；可惜伊收的臺語語詞，干焦有臺語漢字，無臺語羅馬字。
(D)教育部的線頂「臺灣閩南語常用詞辭典」真利便，有漢字閣有羅馬字，可惜無聲音通聽。

29(B).

44有關十二年國民基本教育「本土語文（閩南語文）」的課程綱要，佗一个選項是正確的？
(A)為符應社會需求佮臺語文未來發展趨勢，以語言、文化並立的方式，來實施課程發展佮教學設計。
(B)除了發展十二年國教的基本原則，閣著愛尊重語言人權佮保障文化多樣性，落實本土語文復振、傳承佮創新。
(C)結合三面九項核心基本能力，著愛達成直向連貫佮橫向統整各領域科目，落實以基本能力為導向的教育目標。
(D)教材編寫的主要內容，應依國小低年級、中年級、高年級三階段所訂的主題來編寫；國中、高中若有需要，用社團方式來實施就好。

30(B).

45請問選項內底的囡仔出世了後的禮俗，佗一个禮俗上晏做？
(A)滿月
(B)度晬
(C)做四月日
(D)三朝

31(B).

46有關《臺灣府城教會報》，佗一个選項是正確的？
(A)創辦人是馬雅各醫師。
(B)佇清國統治臺灣的時陣創刊。
(C)日治時期用日文發行。
(D)干焦有教會史料，欠缺文學作品。

32(A).

47有關「歌仔冊」的特色，佗一个選項是正確的？
(A)成熟期的「歌仔冊」是七字句的詩讚體，一句七言，一聯四句，連綴成篇。
(B)「歌仔冊」的演出型式是「唸歌」，表演的語言主要是臺語讀冊音。
(C)「歌仔冊」是一般人學漢字的工具冊，借義字上濟。
(D)「歌仔冊」逐句攏愛押韻，韻腳要求真嚴格，仝一條歌袂當換韻。

33(B).

482018 年正月行政院通過文化部草擬的「國家語言發展法」，送立法院審議。有關這个「國家語言發展法」，佗一个選項是正確的？
(A)「國家語言發展法」的主責單位是文化部的國語推行委員會。
(B)文化部有心欲透過法制，來保障咱國各族群語言佮語言文化的發展。
(C)「國家語言發展法」的欠點是無法度維持臺灣的語言多樣性，因為臺灣的語言過頭濟。
(D)成立客家電視台、原住民電視台是「國家語言發展法」的成果。

34(D).

49語言的精差會當對語音、詞彙、詞法、語法各方面來觀察，其中以啥物方面上明顯？
(A)詞法
(B)語法
(C)詞彙
(D)語音

35(C).

50下底佗一位先賢有「臺灣語言學之父」的美稱，而且編寫《日臺大辭典》，會當算是歷史上對臺灣語言研究上有貢獻的人物？
(A)連雅堂
(B)王育德
(C)小川尚義
(D)甘為霖

最頂 ▬

9.X

24.

34.

試卷測驗 - 107 年 - 臺北市 107 學年度公立國民小學教師聯合甄選初試專門類科知能試題–閩南語科#69234-阿摩線上測驗

黃婕兒剛剛做了阿摩測驗，考了97分